Transcription
1
Monseigneur, encores que par la lettre quil vous a pleu nous escripre du troysiesme
2
de ce moys, vous vous avez faict entendre que ne pouvez nous gratiffier et secourir
3
ceste ville dune traicte de mil ou douze cens asnées bled du pays de votre
4
gouvernement, toutesfoys lasseurance que nous avons de laisance et habondance
5
de grains qui est en certaines contrées et endroictz du pays de Daulphiné et
6
le grand besoing que nous en avons pour la nourriture de noz pouvres,
7
nous contraint à vous estre de rechef importuns et vous supplier
8
très humblement quil vous plaise eslagissant votre accoustumée
9
liberalité, nous octroyer ladicte permission et traicte de bled, faisant cesser
10
une infinité de prinses de tous vivres, jusques aux œufs et beurres
11
que aulcuns qui se disent avoir charge de ce faire viennent arrester
12
jusques près des faulxbourgs de ceste ville, tellement quil semble que
13
nous soyons à deux princes ennemys. Enquoy se commectent une infinité
14
dabuz, lesquelz votre seigneurie n’eust tant et si long temps endurez
15
si elle en eust plustost esté advertie, ce que nous navons presentement
16
voullu faillir de faire, vous suppliant, monseigneur, y pourveoir
17
ainsi que vous scavez le service du roy et soullaigement de ses
18
subiectz le requerir et ne nous desnyer au surplus notre juste et
19
très humble requeste pour raison de ladicte traicte de bled, en ce faisant
20
votre seigneurie adjoustera infiniment aux aultres obligations que nous
21
avons envers elle, à laquelle nous ferons toutes noz vyes
22
très humble et affectionné service daussi bon cueur que nous
23
prions Dieu,
24
monseigneur, quil vous tienne en sa saincte et digne garde. De
25
Lyon, ce XII Janvier 1573.
26
Vos très humbles et obeissans serviteurs
27
les Consuls eschevins de Lyon
28
Favot